Home CRIME Pasiënt reis 800 km verniet om sy voet te laat spalk

Pasiënt reis 800 km verniet om sy voet te laat spalk

0
543

Is dit nie onmenslik nie, dat ’n pasiënt verniet so ver moet ry om behandel te word?

Dit was Neil Cockrill (49) van Matjieskloof, buitekant Springbok, se ervaring by die Harry Surtie-hospitaal. Toe hy Dinsdag daar opdaag, moes hy verneem dat niemand vir hom ’n bed bespreek het  nie.

’n Familielid, Evelyn Cockrill, het onsteld vertel dat Neil reeds Dinsdagoggend teen drie-uur douvoordag uit Springbok vertrek het omdat daar glo uiteindelik ’n bed beskikbaar was. Sy sê: “Gelukkig kon hy weer met dieselfde ambulans terugkeer na Springbok, anders was hy gestrand. Hy was byna 20 ure op die pad met ’n voet wat op drie plekke gebreek het.”

Volgens sy oom, Raphael Cockrill, is Neil Sondag 15 Augustus  deur ’n motor raakgery. Hy was net een aand in die Springbok-hospitaal. Hy is toe ontslaan met net ’n verband om sy voet.

Aanvanklik is hy meegedeel om eers te wag tot 13 Oktober weens ’n tekort aan beddens. Dan sou hy deur ’n spesialis op Upington geopereer word.

Evelyn bewe as sy praat oor die swak behandeling wat Neil van die departement van gesondheid ontvang het die afgelope byna twee maande.

https://find-it.co.za/2021/10/11/pasient-reis-800-km-verniet-om-sy-voet-te-laat-spalk/